Magaalada Cadaado ee xarunta KMG ee Dowlada Goboleedka Galmudug waxaa ka soconaya qaban qaabo ku aadan soo dhoweynta wafdiga Madaxweynaha Jamhuuriyadda Soomaaliya oo lafilayo in maanta uu gaaray halkaasi.
Waxaa ku sugan magaaladaasi Cadaado Mas’uuliyiin ka tirsan Dowladda Federaalka Soomaaliya,Maamulka Galmudug,siyaasiin waxgarad iyo qeybaha kala duwan ee bulshada.
Sida ay ku soo waramayso Wariyaheena Deeqo Abuukar Jiinow,Ammaanka magaaladaasi Cadaado ayaa siweyn loo adkeeyey,iyadoo la arkayo ciidamo fara-badan oo la soo dhigay wadooyinka soo gala iyo kuwa ka baxa magaaladaasi.
Madaxweyne Farmaajo ayaa haatan ku sugan magaalada Gaalkacyo ee xarunta Gobolka Mudug,halkaasi oo uu kulamo kula yeeshey qeybaha bulshada iyo madaxda Galmudug,wuxuu dhagax dhigay wado isku xirta Gaalkacyo iyo Hubyo,isagoo sidoo ayaa dhagax dhigay Xarunta Nabadeynta iyo Dib u Heshiisiinta Soomaaliyeed iyo xabsiga dhexe ee Galmudug oo laga hirgelinayo Gaalkacayo.
