Dadka reer cadaado ayaa maanta iskugu soo baxay salaad Alle looga baryaayo in kuleylka uu uga qaado roobna uu siiyo.
Sedex maalin kahor ayay ahayd markii maamulka degmada Cadaado uu shaaciyay in maanta la tukanayto salaadda roob-doon ah oo hal meel lagu wada dukado.
Culumaa’udiinka, qeybaha kala duwan ee bulshada, ayaa si isku mid ah uga soo qeyb galay dukashada saladaan roob-doonka ah, iyadoo dadka qaarkood ay soomanayen sedexdii maalin ee lasoo dhaafay.
Shiikh Maxamed Khani oo kamid ah Culimada magaalada Cadaado, ayaa dadka ku waaniyay in ay Alle u toobad keenaan iskuna samraan.
Guddoomiyaha degmada Cadaado Cabdullaah Cabdiraxmaan Tootole, ayaa ugu dambeyn dadka deegaanka ugu baaqay inay ka fogadaan waxyabaha maanka dooriya iyo falalka anshax darada ah, Xilli qeybo ka mid ah dalka ay ka jiraan abaaro.
Gobalada dalka qaar ayaa waxaa ka taagan abaaro ay kaga horeyeen, xaalufin Ayax iyo colaado ay ku hayaan Maleeshida Al-shabaab.
