Ciidanka xooga dalka Soomaaliyeed ayaa saaka howlgalo ka dhan ah Al-shabab waxaa ay ka sameeyeen deegaanka Miir-taqwo oo ka tirsan degmada Mahadaay ee gobolka Shabeelaha Dhexe sida ay sheegeen saraakiisha howlgalkaasi hogaaminaysay.
Shan kamid ah maleeshiyaadka kooxda nabad diidka ah ee Al-shabaab ayaa la diley 8 kalena waa la dhaawacay markii ciidanka xooga ay weerar ku ekeeyeen goob fadhiisan u aheyd maleeshiyaadkaasi sida uu Radio Muqdisho u xaqiijyay Cali C/salaan oo kamid ah saraakiisha ciidanka xooga dalka.
Cali ayaa intaa ku daray in markii ciidanka xooga ay ogaadeen in deegaanka saaka howlgalka ay ka fuleen ay joogaan ragga ka tirsan Al-shabaab isla markaana howlgal qorsheysan ay halkaasi kul wareegeen, isagoo tilmaamay in kooxdu ay sameeyeen iska caabin hase yeeshee ka itaal roonaadeen ugu dambeyntii.
Ciidanka saaka howlgalka ka sameeyay deeegaanka Miir-taqwo ayaa ka dhaqaaqay deegaanka Ceel-baraf oo ka tirsan gobolka Shabeelaha Dhexe isla markaana howlgalka sidii loo qorsheeyay uu u dhacay.
