Gaari nooca Hoomeyda ah oo kooxda Al-Shabaab ay ka soo buuxiyeen walxaha qaraxa ayaa ku qarxay meel u dhow deegaanka Comaad ee Gobolka Hiiraan.
Gaariga ayaa la sheegay in gabal dhacii maanta uu qarxay, waxaana watay koox ka tirsan argagaxisada Al-Shabaab, kuwaasi oo doonayay in ay ku dhibaateeyaan shacabka Soomaaliyeed.
Related posts
Lama oga tirada cadowga gaarigaasi saarna ee ku dhintay qaraxii ay doonayeen in ay ku dhibaateeyaan shacabka.
Dadka deegaanka oo Warbaahinta Qaranka ay la xariirtay ayaa u xaqiijiyay in khasaare culus uu gaaray kooxaha argagaxisada Al-Shabaab.
Ciidanka Xoogga dalka ayaa howlgallo ka wada deegaanka u dhaxeeya Baledweyne iyo Matabaan ee Gobolka Hiiraan, waxaana ciidanka xoogga dalka ay khasaare culus gaarsiiyeen kooxaha argagaxisada ee Al-Shabaab.
Kooxda argagixisada Al-Shabaab, ayaa uu socday dhibaateynta iyo daadinta dhiiga dadka shacabka ah ee ku nool deegganada Comaad iyo Beergadiid ee Gobolka Hiiraan, balse ay ku waxyeeloobeen dhagartii ay maleegayeen.
