Maleeshiyaad Shabaab ah oo duleedka Kismaayo lagu Xasuuqay (SAWIRRO)

Ciidanka Jubbaland ayaa maleeshiyaad ka tirsan Al-Shabaab ku laayay deegaanka Lugloow oo dhinaca Waqooyi magaalada Kismaayo ka xiga qiyaastii 17-KM.

Saraakiisha Jubbaland ayaa warbaahinta u soo bandhigay Maydadka Maleeshiyaad ka tirsan Al-Shabaab oo lagu laayay dagaalka ka dhacay Duleedka Magaalada Kismaayo iyo Hubkii ay siteen.

Related posts

Maareeyaha Guud ee Dekedda Muqdisho oo howlo shaqo u jooga Mareykanka

July 5, 2026

Hogaamiye Sheekh Aadan oo Madaxda Dowlad Goboleedyada Hirshabeelle, Waqooyi Bari iyo Gobalka Benaadir ku soo dhaweeyay Baydhabo

July 5, 2026

Sidoo kale Saraakiisha Jubbaland ayaa warbaahinta u xaqiijiyay in dagaalkaas ay ku dileen 12-ka mid ah Maleeshiyada Nabad iyo Nolol diidka ah ee Al-Shabaab.

Axmed C/laahi Ciise (Gaas) oo ah Taliye ku xigeenka hay’adda Nabadsugidda Jubaland ayaa sheegay in ciidamadu weerar qorsheeysan la beegsadeen maleeyshiyaad ka tirsan Shabaab oo isku abaabulay howdka deegaanka Lugloow, kuwaas oo doonayay inay dhibaateeyaan shacabka Jubbaland.

Madaxweynaha JFS ayaa horay ugu baaqay dhalinyarada ay qaldeen Maleeshiyada Al-Shabaab in la cafinayo hadii ay isku soo dhiibaan dowladda Soomaaliya.

Waxaa jira in ka badan 50-dhalinyaro ah oo ay dagaalada iyo dhibaataynta Shacabka u adeegsan jireen Al-Shabaab oo iyagoo ka faa’iidaysanaya Cafiska Madaxweynaha isku soo dhiibay dowladda Soomaaliya.