Maamulka gobolka Gedo ayaa ka warbixiyay dad rayid ah oo maleeshiyaadka arxagagixisada ay ku layeen ceel ay ka qodayey deegaanka Girileey ee gobalaka Gedo.
Maleeshiyaadka Al-shabaab ayaa dadkan xasuuq ugeystay maalintii shalay, xilli dadka deegankaas ku nool ay ku howlanayeen qodista Ceel Biyood ay baahi weyn u qabeen.
Guddoomiyaha gobolka Gedo Ahmed Buula Garad, ayaa sheegay in dad gaaraya toban qof oo isugu jiro Soomaali ah iyo Kenyaati, ay kooxda argagixisada Al-shabaab dileen kadib markii ay weerar ku qaadeen, waxayna Ceel-biyood ka qodayeen deegaanka Garileey ee ku yaala duleedka degmada Ceelwaaq ee gobolka Gedo.
“Dadka u gargaaraya dad masaakiin ah in meeshaasi lagu laayo waa arrin foolxun oo wax-garatada Al-shabaab lagu yaqaano,” ayuu yiri guddoomiye Buula Garad.
Maleeshiyada Al-shaabaab ayaa khasaaro xooggan lagu gaarsiiyay howlgalada ka dhanka ah ee ka socda dalka, kaas oo looga saaray deegaano badan oo shacabka ay ku dhibaateyn jireen.
