Ciidamada Ammaanka Soomaaliya ayaa gacanta ku dhigay dhagar qabayaal ka tirsan qaswadayaasha oo barqanimadii maanta Isgoyks Carwo Iidka ee magaalada Muqdisho ku dilay sarkaal ka tirsan Ciidanka Boliiska Soomaaliyeed, iyadoo sidoo kale la sheegay in ay ka dambeeyeen dil lagula beegsaday magaalada Muqdisho maalintii Isniintii afar ka tirsan shaqaalaha saadaasha hawada.
Soo qabashada 3-daasi dhagar qabe iyo gaariga ay wateen ayaa ka dambeysay kaddib markii ciidamada si dhaqsa ah ay ย kaga hortageen kaddib markii ay dileen sarkaalkaasi oo lagu magacaabi jiray Cali Baashi taasi oo suura galisay in ay soo qabtaan maleeshiyaadkaasi oo mid ka mid ah ku dhaawacmay rasaasta ciidamada ay kaga hortageen.
Heyโadaha ammaanka ayaa magaalada Muqdisho ugu soo bandhigay saxaafadda maleeshiyaadkaasi iyo gaariga dadka ay ku dhagri jireen oo ahaa gaari Spacio.
Masโuuliyiinta amniga ee Soomaaliya ayaa sheegay inay qabteen saddexdaasi ย qof oo ka dambeeyay dilalkaasi islamarkaana sharciga la horgeyn doono.
Dhinaca kale Isgoysyada magaalada Muqdisho ayaa waxaa ka socda howgalo ammaanka lagu xaqiijinayo ay sameynayaan Ciidamada Nabadsugida iyo sirdoonka Qaranka, iyadoo maanta uu booqday isgoysyada Muqdisho oo howgaladaasi ay ka socdaan Wasiirka Amniga Gudaha C/risaaq Cumar Maxamed oo bogaadiyay ciidamada sida ammaanka ay u xaqiijinayaan.
