Maleeshiyada argagixisada Al-Shabaab ayaa la sheegay in deegaanka Ceel Cali ay ku dileenย afar ruux oo ka mid ahaa dadka deegaanka, kuwaasi oo labo ka mid ah ay ahaayeen Nabadoono caan ah oo gobolka laga yaqaano.
Wararka qaar ayaa sheegaya in tirada dadka ay dileen Al-Shabaab ay intaas ka badan tahay, isla markaana ay jiraan dad kale oo rasaas lagu dilay.
Afarta qof ee ay dileen Shabaab oo lagu kala magacaabi jiray Nabadoon Maxamuud Xaayow oo 75 jir ah, Nabadoon Biriq Maxamuud Cabdulle oo 85 jir ah, Cabdiwahaab Buurfuule iyo Ibraahhim Nuur.
Cadaawe Cilmi Nuur Guddoomiye ku-xigeenkii hore ee amniga iyo siyaasadda ee gobolka Hiiran ayaa Radio Muqdisho u sheegay in maleeshiyada Al-Shabaab ay gowraceen afarta qof, isagoo shacabka ka codsaday inay gacan ka geystan sidii loola dagaalami lahaa Al-Shabaab.
Halkan ka dhageyso Wareysiga oo dhameystiran.
