Dawladda Mareykanka ayaa si kulul u canbaaraysay qaraxyadii maanta ka dhacay agagaarka garoonka diyaaradaha Aadan Cadde ee Magaalada Muqdisho.
War qoraal ah oo ay soo saartay dowladda Mareykanka, ayay ku sheegtay inay aad uga xuntahay falalka qaraxyada noocaan ah oo ay caadeysteen kooxda argagaxisada ah ee Al-shabaab ay la beegsanayaan xarumaha iyo goobaha kale ay ku badan yihiin dadka shacabka ah aan waxba galabsan, xarumaha dowladda iyo hey’adda kale.
Ugu dambeystii, wuxuu Mareykanka sheegay in ay xoojinayaan dib u dhiska Ciidaanka qalabka Sida ee Soomaaliyeed si kooxda meesha looga saaro.
Dhanka kale, wakiilka gaarka ah ee xoghayaha guud ee QM u qaabilsan Soomaaliya Meachel Keating ayaa dhankiisa si kulul u cambaareeyay weerarkii maanta, isagoo tacsi u direy ehelada dadkii ku geeriyooday qaraxyadaas waxaana kuwa ku dhaawacmay u rajeeyay caafimaaf deg deg ah.
War-saxaafadeed ka soo baxay xafiiskiisa ayuu ku sheegay Mr. Keating in qaramada midoobay ay sii wadi doonto taageerada ay siinayso dowladda Soomaaliya si dowladda u awoodo hanashada ammaanka wadanka iyo ka hortagga kooxaha argagaxisada ah.
In ka badan 10-ruux oo isu jira askar iyo shacab ayaa ku dhintay qaraxyadii maanta ka dhacay meel u dhaw xarunta Xalane ee agagaarka Garoonka Adan cadde ee Magaalada Muqdisho.
