Dawladda Mareykanka ayaa si cad u sheegtay inay wado qorshe salka ku haya sidii ay 12 kun oo ciidankeeda ah ugala bixi lahayd dalka Jarmalka oo ku yaalla qaaradda yurub, Arrintaas oo Washington ay ku tilmaantay istaraatijiyad ku dhisan dib u habaynta ciidamankeeda ka jooga Yurub.
Wasaaradda gaashaandhiga maraykanka ayaa dhankeeda sheegtay in 6,400 oo askari ay dib ugu celin doonaan gudaha dalkaMareykanka, halka qaybta kalena loo sii gudbin doono qaar kamid ah wadamada gaashaanbuurta NATO oo ay ku jiraan Talyaaniga iyo Belgium.
Madaxweynaha Maraykanka Donald Trump oo ka hadlay arrimaha ku saabsan ciidanka dalkiisa ayaa caddeeyey sababta ciidamada maraykanka looga soo celianayo dalka Germalka ay la xiriirto maadaama Dawladda Jarmalku ay ku guul daraysatay hadafka ay ku dhisan tahay NATO gaar ahaan qorshayaasha dhanka difaaca.
Dhinaca kale arrintan waxaa si adag u canbaareeyey mucaaradka Mareykanka ee aqalka Kongreska, iyagoo sheegay in xaaladdani ay tahay mid aan lagu degdegi karin ayna fursad u samayn karto Ruushka.
