Ergada dowladda Mareykanka u qaabilsan arimaha Soomaaliya ayaa war saxaafadeed ay soo saareen waxaa ay si kulul ugu cambaareeyeen dilkii shanta bishan magaalada Muqdisho kooxo bastoolado ku hebeysan ay ugu geysteen AUN wariye Sagal Salaad Cismaan oo ka tirsaneyd warbaahinta qaranka.
War saxaafadeedka ayaa sidoo kale lagu yiri ” Dowladda Mareykanka waxaa ay tacsi u direysaa qoyska, saxiibada iyo dadkii ay la shaqeyn jirtay Sagal, isla markaana waxaa saxafiyiinta Soomaaliyeed ku boorinaynaa in ay sii wadaan halgenka ay ugu jiraan ilaalinta xoriyada hadalka ayaga ka wakiil ah shacabka Soomaaliyeed”.
Dowladda Mareykanka ayaa sidoo kale dowladda Soomaaliya ku codsatay in cadaalada hor keento dambiiliyaasha isla markaana ay sii labo laabto dadaalada lagu dhameynaayo dhaqanka ciqaabta ku saleysan iyo hanjabaada ka dhanka ah dadka Soomaaliyeed marka ay cabireyaan xuquuqdooda caalamiga ah ee xoriyadda hadalka.
Guddoomiyaha G/Shacabka BJFS oo la kulmay Saraakiishii isku furay Muqdisho iyo Baydhabo
Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya, Mudane Sheekh Aadan Maxamed Nuur (Madoobe), ayaa kulan muhiim ah xarunta Madaxtooyada...
