Tirada la xaqiijiyay in laga helay Viruska Corona ee gudaha dalka Mareykanka ayaa kor u dhaaftay boqol kun oo kiis (100K), iyadoo sidoo kale la xaqiijiyay in Caabuqu uu hal maalin gudaheed ku dhacay 18 kun oo qof maraykanka dhexdiisa.
Xogtaas ayaa laga soo xigtay tirakoob ay sameysay jaamacadda Johns Hopkins, taasoo noqotay mid xaaladda Mareykanka u bedeshay inuu noqdo waddanka ugu horreeya dalalka caalamka ama ugu badan ee laga helay dadka uu haleelay ama la ildaran Caabuqa Crona.
Related posts
Madaxweynaha Mareykanka Donald Trump ayaa ku dhawaaqay dhaqangelinta Sharciga Waxsoosaarka Difaaca si looga hortago cudurkan, sharcigaas oo u ogolaanaya Wasiirka Amniga Gudaha Maraykanka awoodo aan caadi ahayn ee lagu wajahayo dagaalka lagula jiro cudurka.
Sidoo kale Madaxweyne Donald Trump wuxuu saxeexay sharciga gargaarka degdega ah si loo badbaadiyo dhaqaalaha Mareykanka, sidoo kale aqalka Koongarayska Maraykanka ayaa isna dhankiisa u codeeyay in loo baahan yahay in Dawladda Maraykanku ay hesho dhaqaale gaaraya $2 tiriliyan oo ay ku jiraan kaalmo ay uga baahan tahay caalamka aintiisa kale si looga hor tago khatarta uu Crona ku hayo gudaha dalka Maraykanka.
Madaxweyne Trump ayaa sidoo kale sheegay in dhaqaalahaasi uu yahay midkii ugu ballaarnaa abid oo inta la ogyahay taariikhda maraynaka ay tahay markii ugu horraysay ee uu u baahdo dhaqaale intaas leโeg.
Dhinaca kale dalal badan oo ku yaalla Yurub waxaa xargaha goostay awoodda uu CronaVirus ku yeeshay iyadoo ay jiraan dhimasho aad u badan oo ka dhalatay khatarta Crona.
Dawladda Talyaaniga ayaa ku dhawaaqday diiwaangelinta ku dhawaad โโkun qof oo dhimasho ah 24 saac gudahood, taasoo noqotay tirada ugu badan ee dhibanayaasha fayraska adduunka oo dhan.
Tirada guud ee dadka ku dhintay gudaha Talyaaniga waxay gaarayaan 9134, iyadoo ay ku jiraan 969 kiis oo cusub oo dhowaan laga helay dalkaas, laakiin xaaladda faafitaanka cudurka ayaa ah mid sii socota.
