Wakaaladda wararka Reuters, ayaa sheegtay in Maraykanku uu qorsheynayo in markii ugu horeysay uu Gantaallada riddada dheer ugu deeqo dalka Ukrain, iyadoo dhanka kale Ra’iisul wasaaraha Ukraine Denis Schmygal, uu ku dhawaaqay shir madaxeed u dhexeeya Ukraine iyo Midowga Yurub oo lagu qabanayo magaalada Kyiv, jimcaha soo socda.
Sidokale, Reuters oo soo xiganaysa Sarakiil Maraykan ah ayaa sheegtay in Maraykanku uu diyaarinayo lacag dhan 2.2 bilyan oo doolar oo gargaar milatari ah oo uu ugu talogalay dalka Ukraine.
Madaxweynaha Mareykanka Joe Biden, ayaa maalinnimadii Talaadada sheegay in uu Ukraine, ugu deeqi doono Hub casriga ah si looga hortago duullaanka Ruushka.
Dhawaan ayay aheed markii Madaxweynaha Ukraine Volodymyr Zelensky, uu dalalka reer galbeedka ka codsaday kaalmo militari oo ay ku jiraan Gantaallada riddada dheer iyo diyaaradaha dagaalka.
