Saraakiisha wasaaradda gaashaandigga ee Mareykanka ayaa sheegay inay duqeyn xaga cirka ah ku qaadeen baabuur marayay magaalada Kabul ee caasimadda dalka Afghanistan, si looga hor tago weerar horleh oo ay garoonka ka fuliyaan kooxda argagixisada ah ee Daacish.
Waxay ku kalsoonyihiin inay ku guleysteen bartilmaameedkooda, waxayna sheegeen in aysan weli ogaan in dad rayid ah ay ku wax yeeloobeen.
Mareykanka ayaa hore ugu digay inuu helay xog lagu kalsoonaan karo, oo ah in mintidiinta ay weerari doonaan garoonka diyaaradaha ee Kabul.
Dhanka kale, booliska magaalada Kabul ayaa sheegay in canug yar uu ku dhintay gantaal maanta lagu ganay guri ku yaalla meel u dhaw garoonka.
Ugu yaraan 170 qof ayaa Khamiistii ku dhimatay weerar ismiidaamin ahaa oo ka dhacay mid kamid ah albaabada laga soo galo garoonka, kaas oo ay fulisay kooxda Daacish.
