Ciidamada militiriga ee dalka Mareykanka ayaa sheegay in ay dileen afar kamid ah maleeshiyaadka ururka Al-shabaab kaidb howlgal ay gudaha Soomaaliya ay ka sameeyeen todobaadkii tagay.
Warkan ka soo baxay wasaaradda gaashaandhigga dalka Mareykanka ee Pentagon ayaa lagu sheegay in howlgalka uu dhacay Isniintii la soo dhaafay isla markaana uu jawaab u ahaa qorshe Al-shabaab ay ku damacsanaayeen in ay ku soo hujuumaad howlgalka wadajir ah ee Mareykanka uu ka wado Soomaaliya.
Taliyaha ciidanka Mareykanka ee qaaradda Afrika ayaa sheegay in howlgalka uu ka dhacay deegaanka Toorotoorow isla markaana maleeshiyaadka ururka Al-shabaab ay sameeyeen iska cabin.
“Intii ay socdeen howlgal ay hogaaminayeen ciidanka la dagaalanka argagaxisada ee Soomaaliya ayaa tiro badan oo Al-shabaab ah ayaa waxaa ay isku dayeen in ay khatar geliyaan goobaha ay ka howlgalaan ciidankaas, iyadoo taa laga jawaabayay ayaa qaadnay howlgal afar kamid ah ururka Al-shabaaba ayaa la diley,” sidaa waxaa sheegtay Captain Jennifer Dyrcz, oo afhayeen u ah howlgalka Mareykanke ee qaaeradda Afrika.
Mareykanka ayaa sidoo kale, sheegay in ay dishey duyuurad Drone ah horjooge C/laahi Xaaji Daaโuud bishii May ee sanadkan kaas oo qorsheynayay weerarada lagu qaado dalalka Kenya iyo Uganda.
Howlgalkan ayaa waxaa si wadajir ah u fuliyay ciidanka kumandooska ee Soomaaliya oo gacan ka heleya ciidamada Mareykanka ee jooga Soomaaliya.
