Wasiirka Wasaaradda Hawlaha Guud, Dib u dhiska iyo Guriyeynta XFS Mudane Ismaaciil Cabdiraxmaan Sheekh Bashiir ayaa kulan muhiim ah la yeeshay safiirka Dowladda Maraykanka ee Soomaaliya Amb. Larry André.
Labada mas’uul ayaa ka wada hadlay sidii Dowladda Maraykanku ay gacan uga gaysan lahayd dib u dhiska goobaha danta guud ee magaalooyinka laga xoreeyay kooxda argagixisada Al-Shabaab.
Gaar ahaan in si deg-deg ah daraasadda dib u dhiska loogu sameeyo Xarunmaha maamulka Degmooyinka, Xarumaha Saldhigyadaa Booliska, Xarumaha Maxkamda Degmooyinka, Xarumahaa Caafimaadka iyo Hooyada iyo Dhallaanka, Ceelasha biyaha ee xooluhu ka cabaan iyo ugu dambayntii dib u dhiska Waddooyinka isku xira degmooyinka la xoreeyey.
