Marwada 1aad ee Qaranka Marwo Qamar Cali Cumar iyo Wasiiru-dowlaha Caafimaadka Dr. Maryan Maxamed Xuseen oo uu wehelinayay Mudane Cabdala Sucuud Kuxigeenka Maamulaha Xafiiska Markazka Bin Salmaan iyo Omar Ibrahim Lataliyaha Arimaha Carabta Xafiiska Ra’iisal Wasaaraha JFS ayaa maanta Booqasho ku tagay Dugsiga Xanaanada Gabdhaha Agoonta ah ee Boondheere.
Wafdiga oo ay hogaaminaysay Marwada 1aad ee Qaranka ayaa xarunta xannaanada guddoonsiisay deeq raashin nafaqeysan kaasoo loogu talagay quudinta hablaha Agoonta.
Related posts
Dugsiga Xanaanada Gabdhaha Agoonta ah ee Boondheere ayaa waxaa hadda wax kabarta 1280 gabdhood oo agoon ah kuwaas wax ku barta xarunta xanaanada agoonta ee Dagmada Boondheere.
Marwada Madaxweynaha oo lahadashay maamulka xarunta agoonta ayaa Maamulka uga mahadcelisay barbaarinta iyo waxbarashada uu dugsigu u fidiyo hablaha agoonta ah. Iyadoo tiri “Dhammaantood waxay mudanyihiin fursad ay wax ku bartaan oo ay ku guulaysataan, waxaan rabaa inaad ogaataan in aan u heellannahay taageeridda waxbarashadooda si ay u helaan mustaqbal wanaagsan “.
Wasiiru-dowlaha wasaarada caafimaadka ayaa sidoo kale dhankeeda bogaadisay shaqada wacan ee uu Dugsiga u qabto hablaha Agoota ah iyadoo dhankeeda ballanqaaday inay ka taageeri doonaan dhanka caafimaadka iyo fursado wabarasho oo caafimaadka la xiriira.
Mudane Cabdala Sucuud Kuxigeenka Maamulaha Xafiiska Markazka Bin Salmaan oo ku hadlay magaca Hay’adda Bin Salmaan ayaa balaqaaday inay sii wadi doonaan taageetada xanaanada agoonta ee Dagmada Boondheere.
