Marwada Koowaad ee madaxweynaha Qamar Cali Cumar ayaa maanta kulan martiqaad ah u sameeysay haween Soomaaliyeed oo ka kala yimid gobollada dalka.
Haweenka ay marwada Koowaad ee madaxweynuhu kulanka la qaadatay ayaa Muqdisho u yimid ka qeybgalka Munaasabaddi xuska sanadguuradii 43-aad ee ka soo wareegatay qorista farta Soomaaiga, taasoo 21-kii bishan lagu qabtay magaalada Muqdisho.
Sidoo kale kulanka waxaa ka qeybgalay masβuuliyiinta ururrada haweenka dalka oo isu jiray heer Qaran iyo heer maamul-goboleed, iyadoo kulanka looga hadlay ahmiyadda uu ummadda Soomaalyeed u leeyahay horumarinta afkooda hooyo.
Haweenki ka hadlay kulankaasi ayaa muujiyay baahida loo qabo in haweenku ay hormuud u noqdaan horumarinta afka Soomaaliga, maadaama hooyadu tahay macallinka koobaad ee caruurta bara afka hooyo,
Gudoomiyaha ururka haweenka Qaranka Soomaaliyeed Batuulo Sh. Axmed Gaballe oo halkaasi ka hadashay ayaa uga mahadcelisay marwada koobaad ee madaxweynaha martiqaadka iyo kulanka ay u sameeysay haweenka Soomaaliyeed iyadoo ka sheekeeysay kaalinta ay haweenku ka soo qaateen gobanimo doonki iyo xiliyadii burburka.
Marwada Koobaad ee Madaxweynaha Qamar Cali Cumar oo gebagebadii munaasabaddaka hadashay ayaa haweenka Soomaaliyeed ku boorrisay iney gacmaha is qabsadaan kana shaqeeyaan midnimada iyo walaaleynta ummadda Soomaaliyeed, kana qeyb qaataay hirgelinta hanaanka dowliga ah.
