Munaasabad balaaran oo loogu Baroordiiqayay geeridii ku timid Allaha u naxariistee Danjire Cabdulaahi Xasan Maxamuud ayaa lagu qabtay xarunta madaxtooyadda Villa Soomaaliya ee magaaladda Muqdisho.
Munaasabadda oo ay soo qaban qaabisay Marwada Koowaad ee madaxweynaha Jamhuuriyadda Soomaaliya Qamar Cali Cumar, ayaa waxaa ka qeeyb galay xubno ka socday Eheladdii uu ka geeriyooday Danjire Cabdulaahi Xasan Maxamuud iyo mas’uuliyiin ka socday dawladda federaalka ee Soomaaliya iyo marti sharaf kale oo lagu casuumay.
Munaasabadda baroordiiqa aheyd ayaa si weeyn looga hadlay wax qabadkii iyo hawlihii kala duwanaa ee uu dalka Soomaliya u soo qabtay Allaha u naxariistee marxuum Danjire C/laahi Xasan Maxamuud oo dhawaan ku geeriyooday dalka Masar.
Marwo Qamar Cali Cumar oo ah marwadda koowaad ee madaxweynaha Jamhuuriyadda Federtaalka Soomaaliya oo munaasabaddaasi ka hadashay ayaa si qota dheer u xustay taariikhdii Danjire C/laahi Xasan Maxamuud oo ahaa halyeey wax badan dalkiisa iyo dadkiisa u soo qabtay isla markaasna xilal kala duwan ka soo qabtay dawladihii dalka soo maray.
Sidoo kale Marwo Qamar ayaa ummadda Soomaaliyeed iyo eheladiisiiba uga tacsiyeeysay geerida ku timid Allaha u naxariistee Danjire C/laahi Xasan Maxamuud, iyadoo u rajeysay in Janadii Fardowsa Alle ka waraabiyo.
