Xafladaan marwada koobaad ee madaxweynaha Soomaaliya Qamar Cali Cumar ay xariga uga jareysay ceelbiyoodkan ay u hirgalisay dadka qaxootiga Yaman ee ku dhex nool Safarada wadankaasi uu ku leeyahey magaalada Muqdisho ayaa waxa kala Marwada kala qeyb galey Safiirka Yaman Soomaaliya u fadhiya Maxamed Sha’iif, Qunsulka Cadan u fadhiya Soomaaliya gudoomiyaha ururka haweenka qaranka gudoomiyaha degmada Shangaani iyo mas’uuliyiin kale.
Marwada madaxweynaha Soomaaliya Qamar Cali Cumar markii xariga ay ka jartay Ceelbiyoodkan ayaa waxey kormeertay dhismooyinka Cooshadaha ka sameysan ee ay daganyihiin dadka reer Yaman, iyado u kuurgashay xaaladooda nololeed waxeyna sidoo kale safiirka Yaman ku wareejisay qalab nadaafadeed loogu talagaley fayadhowrka Caafimaadka dadka qaxootiga ah.
Gudoomiyaha degmada Shangaani Siciid C/qaadir Siciid iyo Batuulo Sheekh Axmed Gabale oo ah gudoomiyaha ururka haweenka Qaranka ayaa si wada jir ah ugu amaaney marwada koobaad ee Madaxweynaha Soomaaliya sida ay isugu howshay daboolida baahiyaha dadka reer Yaman ee qaxootiga ah.
Qunsulka guud ee safaaradda Soomaaliya ee dalka Yaman Axmed Suudaani ayaa sheegay in dadkan qaxootiga ah oo ku nool magaalada Muqdisho heysato dhibaato nolaleed isla markaana loo baahan yahay in la caawiyo.
Safiirka Yaman u jooga Soomaaliya Maxamed Shaif ayaa uga mahadceliyey marwada Madaxwweynaha Soomaaliya Qamar Cali Cumar ceelbiyoodkan ay ugu tala gashey dadka qaxootiga ah iyo agabyada kale ee nadaafada qaxootiga kor loogu qaadi doono.
Marwada koowaad ee dalka Qamar Cali Cumar oo ugu dambeyntii la hadashay dadka reer Yaman ayaa sheegtay iney dowlada Soomaaliya iyo shacabkeeduba taakuleynta dadka qaxootiga.
