Allaha u naxariistee Marxuum Maxamed Ibraahim Xaabsade ayaa lagu wadaa in maanta lagu aaso magaalada Baydhabo ee xarunta Gobolka Baay, kaasi oo shalay ku geeriyooday magaalada Muqdisho.
Aaska Marxuumka ayaa waxaa la filayaa inay ka qeyb galaan Mas’uuliyiin ka tirsan dowladda, waxaana haatan qaban qaabada aaska ay iminka ka socotaa magaalada Baydhabo.
Xildhibaan Siidow Abaadir oo ka mid ah mudaneyaasha Baarlamaanka, kuna sugan garoonka diyaaradaha caalamiga ah ee Aadan Cadde ayaa sheegay inay u socdaan magaalada Baydhabo, isla markaana ay meydka Marxuumka geyn doonaan Baydhabo si halkaasi loogu aaso.
“Innaa Lilaahi Waa Inaa Ilaahi raajicuun, Allaha u naxariisto Marxuum Xaabsade, maanta ayaan ku aasi doonaa qubuuro ku yaalla Baydhabo, runtii shacabka Soomaaliyeed ayaa uga tacsideynayaa geerida Marxuumka” ayuu yiri Xildhibaan Siidoow.
