Iyadoo degmada Kaaxda ee gobolkan Banaadir ay ka jirto dhibaato la xiriirta la’aanta xarun caafimaad, ayaa maanta isbitaalkii ugu horeeyay waxa dhagax dhigay wasiiro dowlaha xafiiska Ra’isalwasaaraha ahna xildhibaan ka tirsan Barlamanka Soomaaliya C/raxmaan Kulmiye Xersi (C/raxmaan Dheere).
Ka hor dhagax-dhig wasiir Cabdiraxmaan Dheere waxa qeybaha bulshada ee degmada Kaxda ay ku soo dhaweeyeen xarunta degmada Kaxda halkaas uu qalab isboorti ku gudoonsiyay kooxda kubada cagta ee degmada Kaxda oo ka qeyb-galaysa tartanka degmooyinka gobolka Banaadir.
Guddoomiyaha degmada Kaxda Maxamed Ismaaciil iyo qeybaha bulshada ayaa ugu mahadceliya wasiiro-dowlaha agabka Isboorti iyo dhagax-dhiga isbitaalka, iyagoo u rajeeyay inuu dib u soo laabto.
Wasiiru-dowlaha xafiiska Ra’isalwasaaraha ahna xildhibaan ka tirsan Barlamaanka Soomaaliya Mudane C/raxmaan Kulmiye Xirsi ayaa sheegay inuu aad ugu faraxsan yahay dhagax-dhigga isbitaalkii ugu horeeyey ee Kaxda.
Maamulka cusub ee degmada Kaxda iyo dadka ku nool degmadaas ayaa dadaalweyn ugu jira sidii ay u yeeelan laheyd degmada xarun caafimaad taas oo sida uu qorshuhu yahay dhowaan laga bilaabi doono halkaas.
Sawir qaade: Farxaan Saleebaan Daahir
