Munaasabadaan oo aheyd mid ka duwan kuwii hore ee lagu maamuusi jiray
maalinta haweenka aduunka ee 8da maarso ayaa waxaa ka qeyb galay
masuuliyiin ka tirsan kuwa maamulada Galmudug iyo puntland iyo
boqalaal hawewen ah oo ka kala socaday ururada haweenka Gobalka mudug
ee labada maamul.
Munaasabada oo inteeda badan looga hadlay ahmiyada nabada iyo
isdhaxgalka bulshada gobalka mudug ayaa waxaa ugu horeyn ka hadlay
gudoomiyayaasha dagmada Galkacyo ee Galmudug iyo Puntland Xirsi yuusuf
Barre iyo Maxamuud Yaasiin kuwaasi oo ku dheeraaday ka hadalka
ahmiyada ay leedahay nabada iyo isdhax galka bulshada iyagoona balan
qaaday in ay hormuud u noqan doonaan sidii loo soo afjari lahaa
colaada kusoo laa laabatay magaalada galkacyo ee xarunta gobalka mudug ,
sidoo kalana laga wada shaqeyn doono sidii dib loogu furi lahaa
wadooyinka wali xiran tan iyo dabayaaqadii sanadkii tagay ee 2016
markii dagaalku uu ka qarxay xaafada garsoor ee galbeedka magaalada
galkacyo.
Sidoo kale waxaa iyaguna ka hadlay munaasabada gudoomiyayaasha ururada
haweenka gobalka mudug ee Puntland iyo Galmudug Xaawo C/laahi iyo
maymuun Cali nuur Geyfane kuwaasi oo ka dhawaajiyay in haweenka
gaobalka mudug ay diyaar u yihiin in ay u istaagaan bad baadinta
ubadkooda.
Munaasabadaan oo intii ay socatay ay qudbado kala duwan oo dhanka
nabadaa kasoo jeediyeen qaar ka mida ka qeyb galayaashii xaflada lagu
maamusayay maalinta haweenka aduunka ayaa ugu danbey waxaa munaasabada
soo xiray gudoomiye ku xigeenka Arimaha maamulka iyo maaliyada Gobalka
Mudug ee Galmudug Axmed Maxamed Shire Qoodaar isagoona ku booriyay
bulshadsa galkacyo in ay uwada istaagaan ka shaqeynta nabada gobalka.
Munaasabadaan oo aheyd tii ugu horeysay oo ceynkeeda oo kala ah oo
lagu qabto magaalada Gaalkacyo ayaa intii ay socatay waxaa ammaanka
goobta ay ka dhaceysay si weyn u adkeeyay Ciidamada Nabad sugida
Qaranka Soomaaliyeed ee NISA ee ka howl gala Magaalada Galkacyo ee
Xarunta Gobalka Mudug.
