Kala Horeynta Horyaalka Soomaaliya ayaa wali waxaa hogaanka ku naalooneysa kooxda Difaacaneyso Horyaalka Soomaaliya ee Dekadaha oo dhamaan kulamadii ay Ciyaartay hal kulan oo quraa laga adkaaday waxaana laba dhibcood oo nadiif ah ay ka horeysaa kooxda Horseed oo Galabta ka soo adkaatay kooxda Batroolka.
Banaadir oo 24 Saac oo Si ku meel gaar ah ay ugu jirtay kaalinta labaad waxay ka dhacday kaalinta sadexaad kadib markii kooxdii booskaasi ku jirtay ee Horseed ay Soo adkaatay kulaneedii galabta oo 5-0 ay ku garaacday kooxda Batroolka.
Kaalinta afaraad wali waa ku jirta kooxda Heegan oo beri la Ciyaari doonto kooxda Madbacadda oo ayadu lafteeda ka Carareyso kaalinta labaad ee u Calaameysan in ay ka soo muuqan doonto xili ciyareedka soo socda Horyaalka heerka labaad.
Elman ayaa ku jirta kaalinta shanaad oo kulankeedi Soo garaacday Dekadaha kulan adag oo ay la Ciyaartay kooxdaasi oo ahayd koox aanan laga adkaan tan iyo markii la bilaabay horyaalka Soomaaliya balse Cabdi Joon ayaa ka jabiyay Rikorkii guuldaro la,aanta ahaa oo ay waday kooxda Dekadaha ayadoo Elman laba kulan oo is xiga ay adkaatay kulamadii ay ciyaartay bisha april.
Kaalinta Lixaad waxaa soo cariirsatay kooxda LLPP Jenyo oo adkaatay kulankii sadexaad dhamaan kulamada ay Ciyaartay Horyaalka Soomaaliya kadib markii ay si qurux badan ay u garaacday Gadiidka kulankii 12-aad ee horyaalka Soomaaliya oo ay wada Ciyareen.
Toddobo waxaa ku jirta kooxda Batrool oo la kulantay guuldaradii Shanaad Horyaalka Soomaaliya xili Ciyareedkan ayadoo kooxda Batroolka sidoo kale horey u gashay shan kulan oo barbaro.
Gadiidka ayaa kaalinta 8-aad kaga jirto kala horeynta Horyaalka Soomaaliya waxaana ay isku dhibco yahiin kooxda Madbacadda oo kulan la ciyaari doonto kooxda Heegan Berito kaasi ayaana ah kulanka ugu danbeeya horyaalka Soomaaliya kulamadii 12-aad oo Sideed kooxod ay Ciyareen.
Kaalimaha u Caleemaysan horyaalka heerka labaad ayaa waxaa ku jira Madbacada iyo kooxda Waxool oo shan dhibcood oo kaliya uruursatay dhamaan 12-kulan oo ay Ciyaartay Kooxda hoos tagta Wasarada Xanaanada iyo Xoolaha ee dowlada Soomaaliya.
