Maxkamadda Landgericht Schweinfurt ee dalka Jarmalka, ayaa la horkeenay Hooyo Soomaaliyeed oo 28 sano jir ah, taasoo lagu eeedeeyey in Sedax bilood kahor ay ku dhex dishay ilma yar oo ay dhashay kaam ku yaalla magaalada Schweinfurt.
Hooyadan oo aan magaceeda la shaacin ayaa Maxkamadda u sheegtay in Aabaha ilmaha dhalay aysan caawin ka helin, sidoo kalena uu ku tilmaamay inay waalan tahay iyada oo taasi kaga aar gudaneysana ay falkan ku kacday.
Aabaha ilmaha dhintay dhalay oo maxkamadda goob joog ka ahaa ayaa xusay in Gabadhan madaxa looga jiro, isaga oo intaasi raaciyay in dalka Giriigga oo ay soo martay laba qof ay ku soo dhaawacday, wuxuu intaas ku daray inuu jecel yahay xaaskiisa, sidoo kalena uu iska cafiyay.
Claudia Guba, oo ah garsooraha Maxkamadda, ayaa sheegtay in Haweeneydan ay ku kacday fal aad looga naxay, wallow ay wax ka jiraan xaaladaha laga sheegaya, haddana waxay xustay in Kiiskeeda si gaar ah loo eegi doona.
