Maxkamadda gobolka Banaadir, ayaa saakay billowday dhageysiga dacwad ciqaabeed uu eedeysane ka yahay Sayid Cali Macallim Daa’uud oo horay u gubay Xaaskiisa oo uur lahayd.
Dilka ayaa waxaa uu ka dhacay degmadda Dharkeynleey ee gobolka Banaadir 26 kii January, waxanya ciidamada ammaanku gacanta ku soo dhigeen eedeysanuhu 05-02-2024 xilli uu ku dhuumaalaysanayay meel u dhow degmadda Wisil ee gobolka Mudug.
Dhibane Luul Sheekh ayaa 07-02-2024 u geeriyootay dhaawacii kasoo gaaray dhibka uu u geystay saygeeda.
Hay’adda NISA ayaa 14-02-2024 kusoo wareejisay Ciidanka Booliska Soomaaliyeed, wuxuuna Xafiiska Xeer Ilaaliyaha guud ee Qaranka eedeysanuhu horgeeyay Maxkamadda gobolka Banaadir 15-ki bishan.
