Guddoomiyaha Guddiga Midowga Afrika H.E Moussa Faki ayaa xafiiskiisa Addis Ababa ku soo dhoweeyey Danjiraha Soomaaliya ee Ethiopia Mudane Cabdullaahi Maxamed Warfaa ahna wakiilka joogtada ah ee Midowga Afrika ee Jamhuuriyadda Federaalka Soomaaliya, sidoo kale Mudane Faki ayaa Safiir Warfaa si rasmi ah uga guddoomay warqadaha aqoonsiga danjirenimo.
Danjire Warfaa, ayaa dhankiisa uga mahadceliyay Midowga Afrika kaalinta wax ku oolka ah ee uu markasta ka qaato dawlad dhiska Soomaaliya, sidoo kale Safiir Warfaa wuxuu tilmaamay muhiimadda ay leedahay sidii loo laba jibaari lahaa xiriirka iyo wada shaqaynta ka dhaxaysa Dawladda Soomaaliya iyo Midowga Afrika.
Danjire Warfaa ayaa waxaa kulanka ku weheliyay qaar kamid ah Diblomaasiyiinta Safaaadda Soomaaliya ee dalka Ethiopia.
