Midowga iskashatada Beeraleyda Degmada Beladweyne oo ka kooban 14 iskaashato ayaa soo qabtay bandhihg ay ku muujinayeen dalagyada ka soo go’a beerahooda kaasi oo ah mid ay qabtaan sanadkiba mar, isla markaan ay ku soo bandhigaan nuucyada kala duwan ee dalagyada lagu beero beeraha gobolka hiiraan, si ay u muujiyaan waxyabaha uu qaniga ku yahay gobolka, Allena uu ku maneystay bulshada magaalada Beladweyne iyo guud ahaanba Gobolka Hiiraan
Madaama ay caan ku yihiin bulshada Gobolka Hiiraan wax soo saarka Beeraha Gobolka iyo dhaqashada xoolaha nool ayaa waxa ay goobta ku soo bandhigeen dhamaan nuuyada kala duwan ee dalagyada lagu beero Beeraha gobolka Hiiraan.
Guddoomiyaha Midowga iskaashatda Beeraleyda Degmada Baladweyne Cilmi Cabdullaahi Maxmed oo loo yaqaano Cilmi Dugow iyo Cabdiraxamaan Maxamed Cabdi Cali oo ah xogeynta Midowga iskaashatada Beeraleyda ayaa sheegay in ay jiraan caqabado ay la kulamaan beeraleyda
Guddoomiyaha Degmada Beladweyne Cisman Dhicisow Dhuubow, Agaasimaha Wasaaradda Beeraha iyo Waraabka Hirshabeelle Cabdullaahi Cali Cabdi iyo Cabdi Dhuubow Xasan ayaa si wada jir u bogaadiyay bandhiga ay qabteen Midowga Iskashata Beeraleyda Degmada Beladweyne.
Wasiirka Wasaradda Beeraha iyo Waraabka Dowlad Goboleedka Hirshabeelle oo bogaadiyaay bandhigga dalagyada ku saabsan ayaa balanqaaday in Wasaradda Beeraha Hirshabeelle ay si dhow ula shaqeyn doonto 14 iskaashato, ayna ka cawin doonto waxyaabaha ay u baahanyihiin, aydoo Wasaaraddu kaashan doonto Dowladda Federaalka iyo hay’adaha ku shaqada leh arrimaha beeraha.
