Dalalka ku midaysan midowga Yurub ayaa si rasmi ugu dhawaaqay inay bilaabayaan hawlgal cusub oo lagula soconayo cunaqabataynta hubka ee saaraan dalka colaaduhu ka aloosan yihiin ee Liibiya, iyagoo sheegay in Toddoba diyaaradood oo kuwa ciidanka iyo Toddoba markab oo ku dagaalka ah ay u qorsheeyeen in hawlgalkaas loo xilsaaro kuwaas oo si toos ah u daba geli doona cirka iyo badda si loo xakameeyo hubka sharci darada ah ee ku qulqulaya dalka Liibiya maadaama dalkaasi ay saran tahay sharciyada cunaqabataynta hubka.
Wasiirrada arrimaha dibadda ee Midowga Yurub oo beryihii u danbeeyey shirar uga furmeen dalka Jarmalka ayaa arrinatan ku tilmaamay mid lagu caddaynayoย mowqifka iyo dhex-dhexaadnimada dalalka yurub eek u aadan xaaladda Liibiya oo dagaallo culus ka socdaan.
Related posts
Waxay sidoo kale sheegeen in tallaabadani ay ku timi kadib markii dhinacyada isku haya dalka Liibiya ay dhagaha ka furaysteen digniino badan oo loo jeediyay iyagoo si sharci darro ah hub u geliyay gudaha dalka Liibiya, arrintaas oo dalalka yurub iyo beesha caalamkaba u muujisay in ciidamada mucaaradka iyo kuwa Dawladda Liibiya ay jebiyeen sharciga cunaqabataynta hubka ee Liibiya oo ay Qaramada Midoobay kusoo rogtay dalkaasi.
Wasiirka arrimaha dibada ee Talyaanigaย Luigi de Mayoย ayaa sheegay in maraakiibta dagaal ee Talyaaniga oo ku sugan xeebaha dhanka bari ee Liibi ay ka qayb qaadan doonaan hawlgalkan cusub ee midowga yurub isku raacay kaasoo ay kula socon doonaan ilaalinta iyo la socodka cuna qabataynta hubka ee Liibiya, sidoo kale dalalka Jarmalka iyo Austria ayaa sheegay inay iyaguna ansixyeen fulinta howgalkan cusub ayna ka qayb geli doonaan.
Bayaan ay asoo saareen dalalka Miwowga Yurub waxaa lagu sheegay in dalalka yurub ay ka go’antahay hirgelinta howlgalkan oo ah mid ka shaqayn doona cirka iyo badda iyadoo ay jiri doonaan haddii loo baahdo hawlgallo kale oo dhulka ah si loo xakameeyo hubka sharci darada ah ee ku qulqulaya dalka Liibiya.
