Militeriga Koonfur Afrika ayaa la geeyay gobollada KwaZulu, Natal iyo Gauteng kadib rabshadihii ka dhashay markii la xiray madaxweynihii hore ee Koonfur Afrika Jacob Zuma.
Miiteriga ayaa laamaha amniga ka caawin doonna sidii loo joojin lahaa xiisadda maalmihii lasoo dhaafay gobolladaas ka socday.
Goboladda KwaZulu, Natal iyo Gauteng ayaa waxaa maalintii 5aad ka soconaya banaanbaxyo boob iyo rabshado wata.
Dhanka kale maxkamadda dastuuriga ah ee Koonfur Afrika ayaa waxa ay haatan dhagaysanaysaa arji kaga yimid madaxweynaha hore ee xabsiga ku jira, taas oo uu ku doonayo in xukunka xabsi loogaga laabto.
Muuqaallada lasoo geliyay baraha bulshada ayaa muujinayay dad boobaya dukaamo iyo kuwa dab qabadsiinaya dhismooyin ku yaalla halkaas.
Sirddoonka Koonfur Afrika waxay sheegeen in 6 qof ay ku dhinteen rabshadaha halka 200 qof la xiray tan iyo markii qalalaasaha ay ka bilowdeen gobolladaas.
Booliska gobolka KwaZulu-Natal waxay dadka boobka geysanayo ku eedeeyeen inay ka faa’ideysanayaan xaaladda ka socoda gobolladaas.
