Xidiga u dhashay dalka masar ayaa barbareeyay Drogba oo haystay Record-ka xidiga goolasha ugu badan ka dhaliyay Horyaalka Ingiriska hal xili ciyareed xidigaha ka soo jeeda qarada afrika.
Mohamed Salah iyo kooxdiisa Liverpool ayaa guul muhiim ah ka gaaray kooxda Crystal Palace oo garoonkeeda ku ciyaareysay waxaana guud ahaan ciyaartii ay ku soo idlaatay 2-1 oo ay ku adkaatay Liverpool.
Mohamed Salah ayaa dhaliyay Goolkisii 37 oo xili ciyareedkan uu dhaliyay halka Horyaalka ingiriska uu dhaliyay Salah 29 Gool taasi ayaana ah barbarihii Record-kii Drogba oo u dhashay dalka Ivory Coast waxaana Drogba uu haystay Record-ka xidiga ugu badan ee dhaliya Horyaalka Ingiriska goolasha ugu badan hal Xili ciyareed.
Mohamed Salah xidiga u dhashay dalka masar ayaa noqday mid ay u riyaaqeen tageerayaasha kooxda Liverpool waxaana uu dhaliyay goolal muhiim ah oo kooxda ay guulo ku gaartay ayadoo Mohamed salah oo haysta diinta islaamka uu badalay fikradii reer galbeedka ay ka aaminsanayeen diinta islamka waxaana qaar ka mid tageerayaasha Liverpool ay ku heesayeen waxaan imaan doona halka aad ilaah ku barido oo ay ula jeedan masjidka waxaa kaloo ka mid ahaa erayada tageerayaasha Liverpool waxaan qaadan doona diinta islamka weynu ku jecel nahay salah iyo erayo kale oo ay sare ugu qaadayaan diinteena suuban ee islamka.
Salah ayaa waxaa la aaminsan yahay in xili ciyareedkan uu jabin doono Rikooro badan oo u yaala kooxda Liverpool ayadoo haatan kii ugu horeyay uu la sinmay xidigii hore ee kooxda Chelsea Didier Drogba oo haystay xidiga goolasha ugu badan ka dhaliyay horyaalka ingiriska xidigaha ka soo jeeda qarada afrika.
Dhanka kale guusha kooxda Liverpool uu gaarsiiyay Mohamed salah ayaa noqoneyso kulankii 100 oo uu gaaray Macalinka Jurgen Klopp tan iyo markii loo magacaabay macalinka kooxda Liverpool.
