Deegaannada Qandho iyo Teedo oo hoostaga magaalada Moqokori oo ka tirsan gobolka Hiiraan oo dagaal ku dhexmaray maleeshiyaad ka tirsan Al-Shabaab iyo dadka deegaanka ayaa lagu dilay lix ka tirsn Al-Shabaab, halka 11- kale looga dhaawacay.
Wararka uu Radio Muqdisho ka helayo deegaanka Moqokori ee ka tirsan gobolka Hiiraan ayaa tilmaamaya in dadka deegaanka ay weerar ku qaadeen goob ay deganaayeen maleeshiyaadka Al-Shabaab ee taageerta Al-qaacidda, kaasi oo sababay in lix laga dilo, kow iyo toban kalena laga dhaawacay, waxaana laga furtay shan qori oo ay shabaabku lahaayeen.
Waxaa iminka degan deegaanada laga saaray maleeshiyaadka Al-Shabaab, iyadoo tani ay ka dambeysay markii dadka deegaanka ay u dulqaadan waayeen dhibta ay ku hayeen kooxda Al-Shabaab.
