Wax barashadu waa furaha nolosha, ummad kasta horumarkeedu waxa uu ku xiran yahay heerka ay tacliinta ka gaarto.
Aayadihii ugu horreeyay ee Ilaahey ku soo dejiyay nabigeenna waxa ay ka hadlayeen aqriska,qalinka ,qoraalka iyo aqoonta.
Nabigeennu waxa uu dadka faray in ay aqoonta raadiyaan marka ay dharabta ku jiraan ilaa ay ka dhintaan.
Aqoon la’aanta ayaa sabab u ah dhibaatooyin badan oo colaadaha,caajada iyo cudurradu ay ka mid yihiin.
Aqoon darrada ayaa keentay in qof nool lagu qanciyo in uu naftiisa gooyo dad kalena galaafto, isagoo aan garaneyn sababta. Waana aqoonta iyo garashada tan kuu kala saareysa samaha iyo xumaha.
Islaamka iyo sida uu u dhiirri geliyay aqoonta, waa mowduuca uu toddobaadkan ku saabsan yahay barnaamijka Tubta Toosan oo uu marti noogu yahay Sheikh Maxamed Cabdulle Maxamed.
