Waxaa Gobolka Bokool ka soconaya dhaq dhaqaaqyo ciidan oo ka dhan ah kooxaha Argagixisada Al-shabaab,kuwaasi oo ku dhuumaalaysanaya deegaano ka tirsan Gobolkaasi.
Mukhtaar Roobow Abuumansuur oo shalay gelinkii dambe gaarey magaalada Xudur ee Xaraunta Gobolka Bokool ayaa kulamo la qaadanaya mas’uuliyiin iyo saraakiil,kuwaasi oo looga hadlayo xoojinta abaabulada dagaal ee ka dhanka ah maleeshiyada Shabaab.
Sida uu ku soo waramayo wariyaheena Gobolkaasi Bokool Maxamed Xasan C/raxmaan,waxaa la dareemayaa abaabul dagaal oo xoogan oo ka dhan ah Shabaab,waxaana barbar socda wada tashiyo ku aadan sidii looga wada qeyb qaadan lahaa in cadowga laga xoreeyo deegaanadaasi.
Majiraan ilaa iyo haatan wax war ah oo ka soo baxay Abuumansuur iyo mas’uuliyiinta kale ee K/Galbeed,balse warar ay heleyso Wakaaladad SONNa ayaa sheegay in ujeedka socdaalka Abuu-mansuur uu ku tagay Xudur ay laxiriirta xoojinta dhaq dhaqaaqaasi oo lagula dagaalamayo Alshabaab,iyadoo dagaalkii ugu dambeeyey lagu dilaya ku dhawaad 10 Alshabaab ah.
Magaalada Xudur iyo nawaaxiga deegaanka Abal,waxaa kusugan ciidamo taabacsan Mukhtaar Roobow Abuumansuur,kuwaasi oo la sheegay in loo abaabulayo ka qeybgalka dagaalka ka dhanka ah Shabaab.
