Guddiga Qaran ee Qabanqaabada Maalmaha Xorriyadda Iyo Midnimada ayaa ka qaybgalay Munaasabadda Dhiirragalinta Ciidanka Booliska Soomaaliyeed ee kasoo shaqeeyay Munaasabadaha Xuska Maalmaha Xorriyadda Iyo Midnimada.
Taliyaha Ciidanka Booliska Soomaaliyeed Sarreeye Guuto Asad Cismaan Cabdullaahi oo ka hadlay Munaasabadda ayaa bogaadiyay Ciidanka Booliska Soomaaliyeed ee kaalinta wax ku oolka ah ka qaatay Qabsoomidda Munaasabadaha Maalmaha Xorriyadda.
Wasiirka Wasaaradda Arrimaha Gudaha, Federaalka Iyo Dib-u-heshiisiinta XFS Xildhibaan Cali Yuusuf Cali-Xoosh oo soo xiray Munaasabadda ayaa bogaadiyay kaalinta lama illaawinka ahayd oo ay Ciidanka Booliska Soomaaliyeed ka qaateen qaban-qaabada munaasabadaha Xuska Maalmaha Xorriyadda, isagoo sidoo kale ku bogaadiyay sugidda Amniga dalka oo dhan.
Wasiirka Wasaaradda Arrimaha Gudaha, Federaalka Iyo Dib-u-heshiisiinta XFS Xidlhibaan Cali Yuusuf Cali-Xoosh, Taliyaha Booliska Soomaaliyeed Sarreeye Guuto Asad Diyaano Iyo Wasiiru Dowlaha Amniga ayaa shahaadada sharaf guddoonsiiyay Dhammaan Ciidamada kasoo shaqeeyay qabsoomidda Munaasabada Maalmaha Xorriyadda.
