Munaasabani oo lagu soo bandhigay agabka dhaqanka Soomaaliyeed ayaa waxaa soo qabanqaabisay xarunta dhaqanka Cadaado ee Zamzam, iyadoo ay ka soo qaybgaleen Abwaanno, madax dhaqameed iyo marti sharaf kale.
Xaawo Abtidoon Kadiye oo ah maamulaha xaruntan ayaa sheegtay in dhowrkii sano ee la soo dhaafay ay xoogga saareen soo nooleynta dhaqanka Soomaaliyeed, ayna hayaan inta badan agabkii dhaqanka.
Suldaan C/casiis Cumar Daad oo ka mid ahaa madax dhaqameedkii munaasabadani ka soo qaybgalay ayaa sheegay in agabkan uusan sanado badan arkin, sidoo maamulka xaruntani ayuu ku amaanay sida ay u ilaaliyeen in uusan lumin hidaha iyo dhaqanka Soomaaliyeed.
Bulshada Soomaaliyeed ayaa leh dhaqan fac weyn oo astaan u ah, balse sanadihii burburka ayuusan helin horumarin, taas oo keentay in dhalinyaro badan oo waqtigan jooga aysan aqoon u laheyn.
