Xaflad si heer sare ah loo soo agaasimay oo lagu taageerayo Dowladda cusub ee Soomaaliya ka dhalatay isla markaana dhaqaalo loogu uruurinayo shacabka Soomaaliyeed ee ku tabaaloobay abaarta ba’an ee ka jirta dalka ayaa lagu qabtay Magaalada Geneva ee Switzerland.
Xafladan oo ay soo qaban qaabiyeen Jaaliyadda Soomaaliyeed ee Switzerland ayaa waxaa ka qeyb galay qeybaha kala duwan Bulshada Soomaaliyeed ee deggan Dalka Switzerland.
Munaasabadda ayaa intii ay socotay waxaa laga soo jeediyay khudbado kala duwan iyadoo dadkii hadlay dhamaantood ay aad u taageereen natiijadii doorashada ka dhacday dalka.
Dabbaal dagga Taageerada Madaxda sare ee Dalka waxaa garab socoday Taageero kale oo dhaqaalo aruurin loogu sameeynayay dadka Soomaaliyeed oo ay sida weyn u saameysay abaarta ka jirta Dalka.
Geesta kale waxaa madasha ku sugnaa Fanaaniinta ugu caansan Switzerland sida Alfanaan Samatar Samj iyo Fanaan Idris Akram iyo kooxda dhaantada ee Sagal oo ka dhisan Gudaha Dalka Switzerland.
Ugu danbeyntii Xafladan ayaa waxa ay ku soo dhamaatay jawi aad u wanaagsan.
