Isagoo la hadlayay warbaahinta qaranka Soomaaliyeed ayuu ka hadlay arimo dhowr ah wasiir ku xigeenka wasaaradda beeraha Soomaaliya ahna mudane ka tirsan baarlamaanka federaalka Soomaaliya Cabdi casiis Saalax Carmaan waxaana ugu horeyn uu hambalyo u diray golaha wakiilada dowlad goboleedka Hirshabeelle oo maalin ka hor codka kalsoonida siiyay golaha wasiiradda maamulkaasi oo uu soo dhisay madaxweyne Cali C/laahi Cosoble.
Wasiir Carmaan waxaa uu sheegay in baarlamaanka Hirshabelle uu qabtay howl wanaagsan isla markaana ay taasi muujineyso hor u socodka maamulka isagoo taageero weyn u muujiyay golayaasha maamulkaasi waxaana uu ugu baaqay maamulka in la qaado talaabooyin loogu gurmanayo dadka ay abaaruhu saameeyeen.
Dhanka kale wasiir ku xigeenka waxaa uu ka hadlay xaalada adage e abaarta ka jirta dalka iyo doorka wasaaradda beeraha uga aadan u gurmashada dadka dhibanayaasha ah waxaa uu sheegay in dad gaaraya shan malyan oo reer guuraa u badan ay la il daranyihiin xaalada adage e abaarta isla markaana ay socdaan dadaalo lagu bad baadinayo dadkaasi.
Mr Carmaan ayaa yiri “sida aan dhowr mar ka dhawaajinay Soomaaliya waxaa ka jirta xaalad adag oo dhanka nolosha ah abaar baahsan ayaa ka jirta dalka dad ka badan shan malyan oo qoos ayaa xaalad adag ku jira waxaa socda oo dowladu hormuud ka tahay dadaalo lagu bad baadinayo dadkaas “.
