Kulan ay isugu yimaadeen dhalinyaro ku midaysan magaca jaaliyadda Gobolka Hiiraan ee kunool Jaziiradda Malta, ayaa siwayn ugu taageerey Gudoomiyaha cudub ee Degmada Matabaan ee gobolkaasi Hiiraan, Mudane C/risaaq Maxamed Axmed `Caato` oo uu xilkaasi umagacaabay Gudoomiyaha Gobolka Hiiraan ee Dowladda Federaalka Soomaaliya Mudane C/fitaax Xasan Afrax.
Dadkii kasoo qayb galay madasha munaasabadda oo u badnaa dhalinyaro ayaa sheegay in hormarka degmada Matabaan ay ragaadiyeen colaado iyo is qabqabsi soo noqnoqday, taasoo ay degmada kala simahantahay degmooyiinka kale ee ay saameeyeen burburka uu kusoo jiray dalka mudada dheer ee umuuqda in laga gudbayo iminka.
Soomane Cabdi Indha-cadde oo kamid ahaa dhalinyaradii ka hadashay goobtaasi ayaa yiri “ waa ilaah-mahadii haddii Degmada Matabaan oo soo martay marxalado kala duwan iyo dib udhac farabadan in maanta loo magacaabay Gudoomiyaheeda cusub C/risaaq Maxamed Axmed `Caato` oo degmadda kudhashey kusoo barbaarey kuna soo waxbartay, anagoo ah dhalinyaradii Degmada waxaan umuujineynaa taageero waaxana urajeyneynaa in howshaasi uu ilaah ufududeeyo“.
Sidoo kale Mustafe Xasan Cismaan oo kamid ahaa dadkii goobta kahadlay ayaa isna dhankiisa siweyn usoo dhaweeyey kaalinta dhalinyaradu ay ku leeyihiin xiligan isbedelka kajira guud ahaan dalka gaar ahaan gobolka Hiiraan, isagoona ugu baaqay Guduumiyaha cusub ee Degmada Matabaan C/risaaq Maxamed Axmed `Caato` in uu noqdo hogaan lagu daydo oo u cadaaladsameeya dadka uu masuulka u yahay ee colaadu ay ragaadisay.
Isku soo wada duuboo, Degmada Matabaan oo ku magacdheer “Matabaan Garoore“ waa magaalo ku taala dhank waqooyi ee gobolka Hiiran, una jirta 75 kiilo mitir magalada Baldweyene ee Caasimada gobolka Hiiran,
