Munaasabad lugu weyneynaayo maalinta caalamiga ah ee naafada adduunka ayaa lagu qabtay Caasimadda hirshabeele ee jowhar.
Munaasabadaan oo ay soo Agaasimeyn Ururka naafada gobalka Shabeelaha dhexe.Waxaa ka soo qeybgalay qeybaha kala duwan ee bulshadda ku nool jowhar iyo mas’uuliyiin ka tirsan maamulka gobalka iyo kan degmada.
Waxaa ugu horreyn ka hadlay Munaasabada guddoomiyaha ururka naafada dagmada Mudane Rashiid Cumar Gaaboow iyo guddoomiyaha ururka naafada gobalka Shabeelaha Dhexe Sheekh Isxaaq Caqiil Xaaydar waxayna siweyn uga hadleen baahiyaha ay qabaan Ururka naafada.
Guddoomiyaha wax garadka degmada jowhar Axmed Coloow Beereey iyo duqa magaalada jowhar Mudane Saalax Muudeey ayaa balan qaaday in ay hiil iyo hooba la garab istaagi doonaann naafada.
Guddoomiyaha ururka haweenka gobalka Shabeelaha dhexe Madiino Caddow Colow iyo guddoomiye ku-xigeenka gobalka dhanka Aamniga Maxamuud Cilmi Raage ayaa ugu danbeeyn soo xiray munaasabada lagu weeyneynayay maalinta naafada adduunka.
