Munaasabada xuska maalinta Macalinka Somaaliyeed oo ku beegneed 21-ka November balse maanta lagu qabtay caasimadda Muqdisho islamarkaana ay ka qeybgaleen Wasiirka Warfaafinta,dhaqanka iyo dalxiiska ,xildhibaano katirsan labada aqal ee baarlamanka iyo Masuuliyiin kale ayuu ka sheegay Wasiirka waxbarashada hidaha iyo tacliinta sare ee Dwoladda Federaalka mudane Cabdiraxmaan Daahir Cismaan in wasaarddu mudaan gaar ah siineyso Macalimiinta islamarkaana Miisaaniyadda wasaaradda logu talagalay sanadka 2018 ay kujirto mushaaraadka Macalimiin gaaraya 300-oo dowladda ay bixineyso
Prof Maxamed Axmed Jimcaale Gudoomiyaha Jaamacadda umadda Soomaaliyeed iyo safiirka Somaaliya u fadhiya dalka Ruushka Ambaasador cadde Duqoow oo labaduba mudo dheer Macalimiin kasoo ahaa Jaamacada Umadda ayaa xusay in macalinku lafdhabar u yahay buslahada
Xildhibaan Cali Cismaan (Cali Jowhar) gudoomiyaha Guddiga arrimaha bulshada ee golaha shacabka iyo Senator Zamzam Daahir Maxamed oo ah Xogahayah guud ee guddiga arrimaha bulshada Aqalka sare ayaa balan qaaday in ka Baarlaman ahaan ay ka shaqeynayaan dib usoo celinta qiyamkii ay lahaayeen Macalimiinta Soomaaliyeed
21-ka November ayaa loo asteeyay inay noqoto Maalinta Macalinka Soomaaliyeed sanadkii 1974-kii waxaana Sanad walba maalintaa laga xusaa gudaha dalka iyadoo lagusoo bandhigo duruufaha adag iyo caqabadaha horyaala Macalimiinta Soomaaliyeeed iyo sida ugu wanaagsan ee wax looga qaban karo
