Aadan Maxamed Nuur Saran soor ahaa oo aha musharixii la tartamayay Cabdicasiis Xasan Maxamed Lafta gareen ayaa sheegay in uu aad ugu qanacsanyahay hanaanka ay u dhacday doorashada Madaxtinimo ee Koonfur Galbeed.
Musharax Aadan Maxamed Nuur oo la hadlayay Xildhibaannada Doorashada kaddib ayaa sheegay in uu aad ugu qanacsanyahay hanaanka ay maanta u dhacday doorashada Koonfur Galbeed, isla markaana uu diyaar u ahay in uu la shaqeeyo.
“Waxaan u hambalyaynayaa Walaalkeyga, Saaxiibkeyga, Mudane Cabdicasiis Xasan Maxamed Lafta gareen guulaha uu maanta gaaray, waxaan ogolahay natiijada halkan kadhacay, waxa ay ahayd doorasho xalaal ah oo aan ku qanacsanahay, waxaana diyaar u ahay inaan la shaqeeyo, waana u mahadcelinayaa Xildhibaannada codkooda i siisay, waxaana soo dhaweynayaa saaxiibkey Madaxweyne Cabdicasiis Lafta gareen”. ayuu yiri Aadan Saran Soor.
Dhageyso codka Aadan Saran Soor
