Musharrax Madaxweyne Cabdikariin Xuseen Guuleed ayaa hambalyo u diray Xildhibaannada Aqalka Sare ee laga soo doortay Koonfur galbeed, isagoo ku amanay Maamulka Koonfur Galbeed in uu soo saaro Gabdho ka mid noqday Xildhibaannada Golaha Aqalka Sare.
Mudane Cabdikariin Guuleed ayaa sheegay in tani ay tahay tallaabo horey loogu qaaday dhanka habsami u socodka doorashooyinka Qaranka.
“Hambalyo dhamaan xubnaha Aqalka Sare ee uu maanta soo doortay Baarlamaanka Koofur Galbeed, si ay oga mid noqdaan baarlamaanka 11aad ee Jamhuuriyadda Soomaaliya.
- Zamzam Ibrahim Ali
- Ayan Adam Abdullaahi
- Adam Abdinasir Mohamed.
- Dr. Hussein Mohamed Dahir
- Mohamud Mohamed Abdinur
Maamulka Koofur Galbeed waxuu ku amaanan yahay inuu noqday maamulkii ugu horeeyay ee soo saara senatoro gabdha ah, asagoo dhowraya qoondaha haweenka.
Waana talaabo horay loogu qaaday taaba galinta habsami u socodka doorashooyinka Qaranka”. Ayuu yiri Musharrax Madaxweyne Cabdikariin Xuseen Guuleed.
