Xaflad Si heer sare ah loo soo agaasimay ayaa Xalay Lagu Qabtay degmada Dharkeynleey ee gobolka banaadir taas oo ujeedkeedu ahaa in la bixiyo Canshuuraha Guryaha si loo dhiso Jidka Wadnaha ee magaalada Muqdisho.
Guddoomiyaha G/banaadir Ahna duqa Magaaladda Muqdisho Jeneral Xasan Maxamed Xuseen”Muungaab” ayaa Xalay Ku dhawaaqay In ay Bilaabatay Bixinta Canshuuraha Guryaha loogana baahanyahay dhamaan Gudoomiyeyaasha Degmooyinka G/banaadir in Fuliyaan .
“Waa in la Bixiyaa Canshuuraha Guryaha waxaana Ku dhisaynaa Jidka wadnaha Waxaan Ogolnahay In Nalagula Xisaabtamo Lacagtaas waa lagu Shubaya Acc.Banki Dhexe oo ah 1007 Hadii Ilaah Idmo waxaan jidka Wadnaha Madaxweynaha Jamhuuriyadu Dhagax Dhigi Doonaa Gudaha Bisha October, 2015” Ayuu Yiri Guddoomiye Muungaab.
Sidoo kale Dhamaan Gudoomiyeyaasha degmooyinka, Ciidanka ilaalinta degaanka,Ciidamada Booliska iyo Nabad Sugida G/banadir Waxaa la farayaa In ay la shaqeeyaan Ciidanka ilaalinta deegaanka oo qaadaya Canshuurta Guryaha Cidii Diida in ay Bixiso canshuuraha guryaha Waan In laga Soo Siibo( Laga soo Fujiyo) Albaabka Guriga Sidii ay Ahaan Jirtay barisamaadkii oo la geeya Degmada.
Xeer ilaaliyaha guud ee qaranka somaliyeed ayaa sidaas si Lamid u sheegay in ay waajib tahay in la bixyo Canshuuraha Guryaha( Property Tax) waa canshuur laga bixiyo Aduunka oo dhan waxaa lagu dhisaa Laamiyada iyo iskoolada dhaman hey’adaha Amaanka waxaan farayaa in D/Hoose kala shaqeeyaan Sidii loo qaadi lahaa canshuurtaas Shacabkuna wxay Xaq u leeyihiin In Ay nagula Xisaabtaman.
Gudoomiyaha Degmada dharkeynley Cumar mayre Mocow oo ahaa Gudoomiyaha Xalay Martida Loo ahaa ayaa Sheegay In ay degmadiisu Ugu Horeyn Doonto Bixinta canshuuraha Guryaha Dhamaan shacabka Degan oo ugu Baaqayo in ay Noqdaan degmada Bixinta Bilowda.
Ugu dambeytii Gudoomiyaha G/banaadir Ahan Duqa magaaladda Muqdsho Jeneral Muungaab oo xaflada soo Xiray ayaa sheegay in canshuuraha Guryaha laga qaadayo aan loo Isticmaali doonin Waxaan aheyn In lagu dhiso Jidka Wadanaha dadweynaha Soomaliyeedna Wuxuu Ugu baaqay Maadaama ay ka qeyb qaateen dhismihii Aqalka Dowladda hoose oo Lagu Dhisay Mashruucii dalkaaga dhiso Haatana aan rabno In aan Ku dhisno wadada Wadnaha oo halbowle u ah isku Socdka Caasimadda Soomaliya.
“Dhamaad”
