Guddoomiyaha Gobalka Banaadir ahna Duqa Magaalada Muqdisho Mudane Xasan Maxamed Xuseen Muungaab ayaa xarunta Aqalka Dowladda Hoose ee Xamar kulan kula qaatay Ururada haweenka 17’ka degmo ee Gobalka.
Kulanka ayaa intii uu socday waxaa madasha lagu soo bandhigay suugaan ka Hadleysa kaalinta ay haweenka Soomaaliyeed ku leeyihiin Nabadda iyo dib u Dhiska dalka.
Guddoomiyaha Ururka Haweenka Gobalka Banaadir Jawaahir Baarqab oo kulanka ka hadashay ayaa sheegtay in haweenka kunool Muqdisho ay yihiin kuwo jecel Hormarka iyo Nabadgalyada Caasimadda.
“Haweenka Gobalka Banaadir waxey dhaxda u xirteen Nabad galyada iyo dib u Dhiska dalka iyagoo aan wax mushaar ah qaadan, qaar kood ayaa geeriyooday halka kuwo kalana ay Naafoobee, iyagoo u shaqeynaya Qaranka marka waa in il Gaar ah lagu haaya haweenka daryeel kooda iyo tayeen tooda” ayey tiri jawaahir Baarqab.
Guddoomiyaha Gobalka Banaadir ahna Duqa Magaalada Muqdisho Mudane Xasan Maxamed Xuseen “Muungaab” waxa uu sheegay in Maamulka Gobalka Banaadir uu il gaar ah ku haayo Baahiyaha ay qabaan haweenka, isagoo dhanka kale ku Ammaanay Doorka muuqda ay ka qaateen Nabada iyo Bilicda Magaalada Muqdisho.
“Maamulka Gobalka Banaadir waxa uu si hoose uu ula socdaa xaaladda Ururada Haweenka ee ka shaqeeya Gobalka , Haweenka Gobalka Banaadir waxey horseed u yihiin Haweenka Gobollada dalka marka waxaa idin ku Ammaanayaa doorka ay Ka qaateen Nabad galyada iyo Horumarka dalka halkiina ka sii wada dadaalka Aad u heysaan Qaranka Soomaaliyeed”
Haweenka Soomaaliyeed ee ku nool dalka iyo dibadda ayaa door muuqda oo la Taaban karo ka qaatay Horumarada kala Duwan ee Haatan kajira dalka sida Nabadda iyo Dib-udhiska dalka iyagoo sidoo kale horseed u ah Nadaafadda iyo Bilic soo celinta Caasimadda Muqdisho.
Sawir:-Qaade Nuur Saciid Tahliil
