Natiijada aftidii laga qaaday shacabka Britain ayaa muujineysa in dalka Britain uu ka baxay Midowga Yurub sidaana ay ku guuleeysteen qolada dooneysa in laga boxo Midowga Yurub.
Dhinacyada iska soo horjeeda ayaa kala helay codadka 51,7 boqolkiiba oo u codeeyay in laga boxo Midowga Yurub, halka 48,6 boqolkiiba ay iyana u codeeyeen in lagu sii jiro.
Xalay saq-dhexe ayaa waxa ay natiijadu u muuqatay in ay guuleysanayaan qolada dooneysa in lagu sii jiro Midowga Yurub, balse arrintaasi ayaa is badeshay saakay aroor oo codadka la wada tiriyay.
Labada dhinac aad ayaa iska ag dhawaayeen, balse kooxda u ololaynaysay in Britain ay ka baxdo Midowga Yurub ay si aan la filayn taageero ballaran uga heshay waqooyi beri England iyo Wales.
Qolada doonaysa ka sii mid ahaanshaha Britain ee midowga Yurub ayaa codad badan ka heshay London, Scotland iyo Waqooyiga Ireland.
