Xulka Qaranka kubada Cagta Soomaaliya oo da,doodu ay ka hooseyso 17 ee ka qayb qaadanaya koobka Cecafa ayaa kulankii galabta ay la ciyareen dhigooda Burundi ayaa waxaa uu ku soo idlaaday barbaro 0-0 waxaana xulka dalkeena uu haatan leeyahay afar dhibcood iyo sadex gool kadib markii kulankii kan ka horeyay dhibcihii laga qaaday xulka qaranka itoobiya oo jabiyay sharuucdii tartanka kadib markii ay soo galiyeen garoonka Ciyaartoy da,doodu ay ka sareyso 17-sano.
Soomaaliya waxaa kaloo Group ka kula jira Itoobiya iyo Kenya oo sidoo kale galabta Ciyaaray waxaa Ciyaartoodii ay ku soo idlaatay sidoo kale barbaro Sidaasina Soomaaliya ayaa group-ka ku hogaamineyso oo afar dhibcood leh kulanka soo socda Soomaaliya waxay la ciyaari doonta xulka qaranka Kenya.
Wiilasha Soomaaliya u matalaya ayaa ah kuwa aad loo soo xulay waayo waxaad ka garan kartaa Burundi oo ah dalka marti gelinaya koobka oo gurigiisa ku ciyaaraya ayeey la galeen barbaro taasi ayaana ah mid kale oo dhiira gelin doonta Xulka Qaranka Dalkeena Soomaaliya.
