Nin hubeysan ayaa rasaas ku furay xarunta Jaamacadda Michigan State University ee dalka Mareykanka, hakaasi oo ay ka dhalatay dhibaato isugu jirta dhimasho iyo dhaawac.
Booliska jaamacadda, ayaa sheegay in rasaas laga soo riday laba goobood oo kamid ah dhismayaasha Jaamacadda, kuwaasi oo kala ah tac Berkey Hall iyo dhismaha Midowga Jaamacadda Gobolka Michigan (MSU).
Dadka ay waxyeellada soo gaartay ayaa goor danbe laga helay gudaha dhismaha Jaamacadda, Chris Rozman oo madax u ah Booliska jaamacadda ayaa u sheegay warfidiyeenka in aanay jirin wax hanjabaad ah oo horay u soo gaaray maamulka iyo barayaasha Jaamacadda ka hor weerarka.
Weerarkan ayaa la sheegy in lagu dilay saddex qof, halka shan kalena lagu dhaawacay, kuwaasoo qaarkood ay soo gareen dhaawacyo halis ah.
Labo ka mid ah dadka dhintay ayaa ku sugnaa Hoolka Berkey, halka midka kalena uu ku sugnaa Xarunta Ururka MSU.
Ninka weerarka geystay ayaa la dilay, ka dib israsaaseyn ku dhawaad afar saacadood socotay oo dhexmartay isaga iyo Booliska, waxaana hadda socda baaritaan la xiriira shaqsiga dhibka geystay iyo sababta ku kaliftay weerarka.
