Hayβadda dambi baarista Mareykanka ee FBI-da ayaa shalay nin Soomaali ah oo lagu magacaabo Liibaan Xaaji Maxamed ku dartay liiska argagixisada loogu raadis badan yahay , taasoo ka dambeysay markii dhawaan la sheegay inuu ku biiray Al-Shabaab.
Mareykanka ayaa sheegay in $50,000 oo abaal-marin ah la siin doono ciddii soo sheegta macluumaad lagu soo xiri karo Liibaan oo 29 jir ah, isla markaana heysta dhalashada dalka Mareykanka.
Related posts
Liibaan ayaa la sheegay inuu wade taksi ka ahaa magaalada Washington DC, wuxuuna ku noolaa waqooyiga Virginia, ka hor intii uusan kasoo bixin dalkaas shantii July ee sanadkii 2012-kii.
Liibaan waxaa lagu soo oogay dacwado la xiriira inuu taageero u fidiyay Al-Qaacidda iyo Al-Shabaab. Wuxuu hadda ka mid yahay 31 qof oo ku jira liiska dadka ay doon-dooneyso FBI-da, waxayna hayβaddu ku tilmaantay inuu yahay bar-tilmaameed muhiim ah maadaama uu aqoon dheeraad ah u leeyahay caasimadda dalkaas, Al-Shabaabna uu ka caawin karo inay weerarro ka gaysato dalka Mareykanka.
FBI-da Mareykanka ayaa sheegtay in qofkii xog ninkan ku saabsan haya uu la xiriiri karo xafiisyada FBI-da ama safaaradda ugu dhow ee Mareykanka uu leeyahay.
