Fariimaha wacyigelinta ka hortaga cuddurka COVID-19 ayaa ka socota degmooyinka gobolka Bakool oo ay ugu horeyso magaalo madaxda gobolkaasi ee Xuddur.
Waxa la sameeyey guddi ka shaqeeya wacyigelinta iyo ka warheynta bulshada in qofka looga shakiyo Caabuqa Karoona Feyrus goobaha caafimaadkka uu tago amaba gurigiisa isku karantiilo.
Guddiga ka hortaga cuddurka COVID-19 ayaa sidoo kale diyaariyey xarun karantiil oo loogu talagalay in lagu baxnaaniyo dadka qaba amaba looga shakiyo calaamadaha xanuunka korona feyrus.
Sidoo kale guddiga ayaa sheegay in wacyigalinta sidii loogu talagalay aysan u gaarin Masaajidda iyo goobaha dadweynaha ay isugu yimaadaan waxaana wali socdo dadaalada lagu xakameynayo cudurka dalka kusii fidaya ee Covid-19.
